Quantcast
Viewing all articles
Browse latest Browse all 13210

Ակնարկ. Սուրիական Ռազմադաշտին Մէջ Կը Փոխուին Խաղի Կանոնները

Image may be NSFW.
Clik here to view.

Իտլիպի շրջանը կամ ընդհանրապէս սուրիական տարածքները ահաբեկչութենէ մաքրելու ռազմական գործողութիւններու շղթայազերծումը` սուրիական կառավարական բանակին կողմէ, յայտնապէս նոր իրավիճակ ստեղծած է ազդեցութիւններու գօտիներու փոփոխութեան վրայ հակակշռելու ուղղութեամբ:

Դէպի Իտլիպ սուրիական բանակին յառաջխաղացքը ընթացք տուած է գաղթականական նոր ալիքի մը, որ զանգուածային տեսքով ապաստանած է Թուրքիոյ սահմանին վրայ եւ դէպի Թուրքիա անցնելու նոր ալիքի մակընթացութիւններ յառաջացնելու պատկերներ կը պարզէ:

Ընթացող ռազմական գործողութիւնները, որոնք կը յատկանշուին թէ՛ օդուժի հարուածներով, եւ թէ ցամաքային տեղաշարժերով, ըստ էութեան,  սուրիական տարածքային ամբողջականութեան Դամասկոսի կողմէ հսկողութեան վերականգնման  միտումներով կը բացատրուին:

Պարզ է սակայն, որ նման լայնածաւալ գործողութիւն չ՛իրականացուիր սուրիական ուժերու կողմէ, առանց մեծ դաշնակիցի հովանաւորչութեան, ուղղակի մղումին: Քաղաքական տրամաբանութեամբ` նախաձեռնութեան նոյնիսկ: Այլ խօսքով, ռուսական ռազմական որոշումի մը սուրիական ուժերով իրականացման հանգրուանն է, որ կ՛արձանագրուի Իտլիպի մէջ` ահաբեկչութեան դէմ պայքարի վճռական բնոյթի համոզումը փոխանցելով:

Տուեալ շրջանի ահաբեկիչներու խմբաւորումները տարբաղադրական մօտեցումի կը կարօտին, հետեւեցնելու համար, որ անոնք հիմնականին մէջ պետական ո՛ր միջավայրերէն կը ֆինանսաւորուին, աջակցութիւն եւ հովանաւորչութիւն կը ստանան` ազդեցութեան գօտիներու պահպանման պատերազմին մէջ ուժերու յարաբերակցութեան կարեւոր գործօնի դեր ստանձնելով:

Դժուար չէ անշուտ ենթադրել, թէ խօսքը ուղղակիօրէն Անգարայի մասին է, որ Իտլիպի ահաբեկչական գործօնը կը շահարկէ անվտանգութեան գօտիի ստեղծման իր առաջնային նպատակը իրականացնելու հիւսիսային ուղղութիւններու վրայ:

Անգարայի շահարկած այս գործօնի չէզոքացման վճռական փուլին մասին է խօսքը, որուն կանաչ լոյսը վառած է Մոսկուան: Մինչ, Ուաշինկթըն իը «այո-ոչ»-ի պարանաձգութեան խաղին ներքաշած է Անգարան` անվտանգութեան գօտիի (չ)ստեղծման առաջադրանքով:

Թեհրան-Անգարա-Մոսկուա նոր հանդիպման յայտարարութեան վերաբերող պաշտօնական լրատուութիւնները չեն յաջողիր փարատել յատկապէս Մոսկուա-Անգարա մերձեցման եւ Սուրիոյ տարածքին համաձայնեցուած գործողութիւններ իրականացնելու ռազմավարական պայմանաւորուածութիւններու ընթացքը: Իտլիպը փաստօրէն կը շրջէ այդ կարգը եւ կը խախտէ սուրիական ռազմադաշտին վրայ ցարդ երեւցած ռազմախաղի կանոնները:

Խախտած կանոններու մասին կը վկայէ պաշտօնական Անգարայի այն հրապարակումը, որ Թուրքիոյ նախագահը մտադիր է մօտ օրէն իր ռուս պաշտօնակիցին հետ հեռաձայնային հաղորդակցութիւն ունենալ, քննարկելու Իտլիպի զարգացումները եւ թրքական զինուորական շարասիւնի ռմբակոծման հարցը:

Սուրիոյ մէջ ռազմական համաձայնեցուած գործողութիւններու եւ նաեւ ռազմավարական գլխաւոր առանցքներու շուրջ համագործակցող կողմերու իրականացնելիք գործողութիւններուն համապատասխան չէ այս լրատուութիւնը:

Անգարան փաստօրէն գետին կը կորսնցնէ Սուրիոյ մէջ, արդարեւ ահաբեկչազերծման նպատակով իրականացուող գործողութիւնները ո՛չ միայն կը չէզոքացնեն Անգարայի շահարկման ռազմական գործօնները, այլ նաեւ կը հարուածեն Սուրիոյ մէջ տեղակայուած թրքական յենակէտերը: Մինչ Անգարային չ՛արտօնուիր իրեն դէմ սպառնալիք նկատուող քրտական յենակէտերու չէզոքացումը,  նպատակադրած գօտիներու ստեղծումը կամ ընդհանրապէս վճռական գործողութիւններու ձեռնարկելը:

«Ա.»

 


Viewing all articles
Browse latest Browse all 13210

Trending Articles



<script src="https://jsc.adskeeper.com/r/s/rssing.com.1596347.js" async> </script>