Արժանապատիւ խմբագրապետ «Ազդակ» օրաթերթի,
Ստորագրեալս` Պետրոս Յ. Ալահայտոյեան, կրկին կու գամ իմ խորին շնորհակալութիւնը յայտնելու ձեր յօժարակամութեան համար, որուն շնորհիւ կարելի եղաւ մեծանուն երաժիշտ Բ. Կանաչեանի մահուան 50-ամեակին նուիրուած երկարապատում գրութիւնս լոյս ընծայել ձեր թերթին մէջ, 8 յաջորդական հատուածներով, այս տարուան մարտ 13-20:
Այս քիչ մը յապաղած շնորհակալագիրիս մէջ կը փափաքիմ նաեւ անմնացորդ երախտագիտական զգացումներս արտայայտել տիկին Վարդի Դանիէլեանին: Ան իր հայերէնագիտութեան եւ հայաթաթախ իր սրտին ողջ կարողականութիւնը ի սպաս դրաւ իր արժէքաւոր թելադրութիւններով գրութեանս ամբողջ երկայնքին: Որքա՜ն երախտապարտ եմ:
ՊԵՏՐՈՍ ԱԼԱՀԱՅՏՈՅԵԱՆ