Նամականի

Պատուարժան տնօրէնութիւն «Ազդակ» օրաթերթի,

Սոյն նամակով մենք` Թէքէեան ընտանիքի անդամներս, կու գանք ձեր միջոցով շնորհակալութիւն յայտնելու ՀՅ Դաշնակցութեան` շատոնց սպասուած ձեռնարկին համար, որուն միջոցով Դաշնակցութիւնը Լիբանանի քաղաքացիական պատերազմին 40-ամեակին առիթով պատուեց այդ պատերազմին ինկած նահատակներուն յիշատակը:

Վերջապէս հիմա է, որ հպարտութիւն կը զգանք, որ մեր ընտանիքին զաւակը` իր նահատակութեամբ, ինչպէս իր միւս ընկերները, յոյս եւ կայունութիւն ներշնչած է լիբանանահայ ամբողջ համայնքին, եւ թոյլ չէ տուած, որ հայ ժողովուրդը յուսալքուի:

Հպարտ ենք մեր զաւկին եւ իր ընկերներուն զոհաբերութեամբ, որոնց շնորհիւ լիբանանահայ համայնքը կայ ու կը գործէ ի փառս հայութեան:

Թող անոնց յիշատակը միշտ վառ մնայ մեր մէջ:

Լաւագոյն մաղթանքներով`
ԹԷՔԷԵԱՆ ԸՆՏԱՆԻՔ