Հայաստանի ֆութպոլի ֆետերասիոնին պաշտօնական կայքը հաղորդեց, որ 18-20 ապրիլին, Հայաստանի 19 տարեկանէն վար հաւաքականը Աւանի ֆութպոլի ակադեմիային մէջ պիտի կատարէ իր հերթական հաւաքը: 20 ապրիլին նախատեսուած է ֆութպոլի բարեկամական մրցում մը` Արցախի դէմ:
Այս հաւաքին իրենց մասնակցութիւնը պիտի բերեն Ֆրանսայի մէջ հանդէս եկող 3 ֆութպոլիստներ:
Ստորեւ` հաւաքականի գլխաւոր մարզիչ Արթուր Ոսկանեանի կողմէ նկատի առնուած 24 մարզիկներուն անունները.
ԲԵՐԴԱՊԱՀՆԵՐ.- Յարութիւն Մելքոնեան (Փիւնիկ), Նարեկ Յովհաննիսեան (Բանանց), Արման Ներսիսեան (Արարատ):
ՅԵՏՍԱՊԱՀՆԵՐ.- Արսէն Եղիազարեան, Արման Ղազարեան (Բանանց), Սուրէն Յարութիւնեան, Արսէն Սարգսեան (Փիւնիկ), Էրիք Աւետիսեան (Արարատ-Արմենիա), Արսէն Գալստեան (ֆութպոլի ակադեմիա), Եուրի Օգանէսեան (Լիոն Տիւշեր, Ֆրանսա), Անթոնի Կազարեան (Քանն, Ֆրանսա):