Պատրաստեց՝ ՄԱՐԻԱ ԱՐԱՊԱԹԼԵԱՆ
ԹԱՍՍ լրատու գործակալութիւնը կը հաղորդէ, որ 18 դեկտեմբերին ՄԱԿ-ի ընդհանուր քարտուղարի` երեխաներու եւ զինեալ տագնապներու հարցերու ներկայացուցիչ Լէյլա Զերուկի` Ալճերիոյ Օրանէ քաղաքին մէջ Ափրիկէի մայր ցամաքի խաղաղութեան եւ անվտանգութեան հարցերուն նուիրուած միջազգային համաժողովին ընթացքին ունեցած իր ելոյթին ընթացքին յայտնած է, որ աշխարհի տարածքին զինեալ տագնապներու գօտիի վերածուած 20 երկիրներու մէջ աւելի քան 220 միլիոն երեխաներ կ՛ապրին:
Լուրը հաղորդած «Ալճերի փրես Սըրվիս» գործակալութիւնը կը մէջբերէ Զերուկիի հետեւեալ խօսքը. «Աւելի քան 220 միլիոն երեխաներ կ՛ապրին զինեալ տագնապներու գօտիներու վերածուած 20 երկիրներու մէջ, որոնց շարքին կը գտնուին արաբական եւ ափրիկեան 8-ը երկիրներ»:
«Ընդհանուր առմամբ տագնապի այդ գօտիներէն փախած է 65 միլիոն մարդ, որոնց 28 միլիոնը` երեխաներ», ըսած է ան` ընդգծելով «ապագայ սերունդներուն համար այդ ողբերգութեան վտանգը»: