Եթէ կը սպասես դուն տենդագին`
Բախտաւոր ես, առանձնաշնորհեալ.
Անշէջ հուրը կողքիդ է արդէն
Ան հպումով գողտրիկ
Կը պարուրէ քեզ սիրակէզ:
***
Աչքերուդ մէջ կը գծուին
Սիրալիր հորիզոններ գորովի`
Կարծես գինովցած ըլլային
Իրենց հայեացքէն ընդմիշտ:
Ձեռքերը կը միանան մեղմօրէն
Զօրակցելու սիրակէզ հպումին շրթներուն
Դանդաղօրէն կը միանան առյաւէտ
Ըլլալու մէկ միութիւն, մէկ զօրութեան:
Աչքերը գոց կ՛երազեն աշխարհներ սիրալիր
Ուր սէրը կ՛իշխէ ամէնուրեք
Կրկին կը սպասեն տենդագին
Անշէջ հուրը… Կեանքին:
ԱՆԻ ԱՊԱՃԵԱՆ
2015