Երկու տասնամեակներու բացակայութենէ ետք գեղանկարիչ` Գէորգ Եղիազարեան վերադարձաւ Պէյրութ եւ մասնակցեցաւ Հայաստանի վերանկախացման 25-ամեակի եւ «Նոազ Արք» ցուցասրահի հիմնադրութեան 20-ամեակի զոյգ առիթներով «Նոազ Արք»-ի կազմակերպած ցուցահանդէսին:
Իր երկրպագուներու կողմէ խանդավառութեամբ ընդունուեցաւ իր ցուցադրած 9 գեղանկարները, որոնք իրարու կը կապէին հինն ու նորը: Ան Միացեալ Նահանգներու մէջ յայտնի արուեստագէտ է եւ կը գործակցի Ամերիկեան «Wenthworth» հեղինակաւոր ցուցասրահին հետ:
Այս առիթով ան այցելեց նաեւ «Ազդակ», որուն օրին անդրադարձած էինք: Հայրենիք մեկնելէ ետք ան գեղեցիկ ջրանկար մը նուէր ղրկեց խմբագրատան համար:
Խմբագրութիւնս շնորհակալութիւն կը յայտնէ անոր եւ կը մաղթէ առաւել բարձր միջազգային նուաճումներ: