Ասեղնագործութեան արուեստը միշտ եղած է հայ կնոջ հետաքրքրութիւնը: Ցարդ ասեղնագործութիւնը կը պահպանուի Ձեռարուեստի կեդրոնի գոյութեամբ` կազմակերպելով ձեռագործի դասընթացքներ եւ ցուցահանդէսներ:
Հայկական զանազան ասեղնագործութեան արդիականացումը կտորներու, նախշերու եւ գոյներու ընտրութիւնը, պատճառ հանդիսացաւ, որ երիտասարդ սերունդը մօտէն հետաքրքրուի, փափաքի սորվիլ եւ տան մէջ ունենալ այս գեղեցիկ, աւանդական ասեղներու ձեռագործներէն: Մեծ ազդեցութիւն ունի նաեւ տուներուն մէջ ձեռագործին ցոյց տրուած սէրն ու գնահատումը:
Ձեռարուեստի կեդրոնը նախընթաց ունեցած է եւ կազմակերպած ցուցահանդէսներ արտերկրի մէջ, սակայն ներկայ պայմաններով դժուարութիւններ կան: Կեդրոնը միշտ ի մտի ունի մասնակցիլ կամ կազմակերպել ցուցահանդէսներ այլուր, եթէ առիթ ներկայանայ:
Մենք պիտի շարունակենք գործել, քաջալերել եւ փոխանցել արժէքները յառաջիկայ սերունդներուն:
ԼՕԽ-Ի ՁԵՌԱՐՈՒԵՍՏԻ ՅԱՆՁՆԱԽՈՒՄԲ